Македонската фудбалска шесторка предводена од Александар Ставрев ја суди средбата Наполи - Слован Братислава во рамките на 6 коло од Лига Европа - Група 1. Улогата на први асистенти ја имаат Марјан Кировски и Дејан Костадинов. Дополнителни помошници на натпреварот се Димитар Мечкаровски и Дејан Јакимовски, додека улога на четврти судија на оваа средба е Никола Караколев. 

Контролор на оваа средба е Николае Григореску од Романија, а делегат Гундер Де Саделер од Белгија.  

Натреварот Наполи – Слован Братислава се игра во четврток во 21.05 ч. и нема некое посебно значење доколку се има во предвид дека италијанскиот тим веќе има обезбедено пласман во следната фаза натпревари.