Во сабота, на 9. април во Истанбул се одржа регионална средба на фудбалските асоцијации чиј домаќин беше Турската фудбалска Федерација, а на која присуствуваа асоцијациите на: Албанија, Босна и Херцеговина, Бугарија, Хрватска, Кипар, Грција, Македонија, Црна Гора, Романија, Русија, Србија и Словенија.

Фудбалската федерација на Македонија ја претставуаа претседателот Илчо Ѓорѓиоски, потпретседателот Мухамед Сејдини и генералниот секретар Филип Поповски.

Претставниците на асоцијациите присутни на средбата, исто така, донесоа одлука дека 13-те асоцијации ќе имаат дополнителна средба на која ќе се дискутира за постигнување на заедничка позиција во однос на теми кои се однесуваат на европскиот фудбал (УЕФА) и светскиот фудбал (ФИФА). 

Асоцијациите кои се дел од оваа средба, искажаа согласност со одлуката на Комитетот за итни постапки на ФИФА, донесена на 5. Април 2016 година во однос на откажувањето на Куп натпреварувањето во Грција и искажаа поддршка за непосредно преиначување на одлуката донесена од страна на Владата на Грција.